مش عارف لسه: كلام

الاثنين، 21 أبريل 2008

كلام

* الحكومه زودت وزارة الداخليه 9 مليار علشان الاسعار غليت ..... هيه وزارة الداخليه دى فيين ؟
* سفير اسرائيل زار متحف دنشواى ومدير المتحف طلب الكارت بتاعه ... هو متحف دنشواى فيين برضه ؟
* اهل الواحات صحيو لقوا نفسهم تبع محافظة المنيا وبعدبها هوب الجيزه وبعديها هوب بقت اكتوبر ... الدنيا قلابه ..بكره هتلاقو نفسكم فى السودان.
* نائب وطنى باعت رساله للرئيس مبارك بينصحه باقالة جمال مبارك وزكريا عزمى وعز علشان فسدو البلد ...... مفيش غيرك فسد البلد ياللى باعت الرساله .
*اكتر ناس كانو مع الاضراب الحركات ..حركة كفايه ..وحركة الاخوان ...وحركه قرعه.
*فى شارع الهرم كانو بيدهنو العواميد الفضى بلون سيلفر .. النغيير حلو..
*لحمة الحمير ماليه الدنيا .. وانا اقول الواحد مخه مقفل ليه ...
*حلوان واكتوبر بقوا محافظات ايه يعنى ما عليتنا محافظه ..

هناك 4 تعليقات:

محمود الدوح يقول...: يخرب بيتك يا موحا
اية الكلام الجامد دا

دا انت يومين وهتكتب عمود فى اى جورنال

بجد بوست جامد موت; 26 أبريل 2008 في 5:37 م
sameh يقول...: الله يخليك يا حوده .. احنا تلامذتك يا استاذ; 27 أبريل 2008 في 6:33 ص
aya يقول...: بجد يا سامح كلامك لذيذ جدا بس عايزه اسال علي حاجه مدر المتحف اخد ليه الكارت عشان لو احتاجه في خدمه يعملها ؟؟؟؟؟!!!!!!!!! منتظره زيارتك; 28 أبريل 2008 في 12:17 م
sameh يقول...: منوره يا توتا ..ما هو انا مش عارف هو كان عاوز الكارت يعمل بيه ايه ..يلا الناس بتدور على اى كارت تمشى بيه حتى لو كارت ميناتل..; 28 أبريل 2008 في 5:19 م